Vernongo Ituna, 1371ko martxoaren 25a. Karlos II.ak Mantesen eta Meulanen galera onartu behar izan zuen baita Longueville ere Vernongo elkarrizketan 1365eko akordioa berretsi zuenean (Delachenal: Histoire..., t. III, or. 491) eta, bere ondasun frantsesengatik, Frantziako erregeari "fedea, leialtasuna eta obedientzia" zin egitean. Parisen omendua, bakeak betiko sinatua zirudien. 1371ko azaroan, bere ordezkari batek, Ligier d'Orgessinek, Montpellier Nafarroako jabetza gisa jaso zuen. Hurrengo urteko martxoan Karlosek bere mendeko lurraldeari bisita egin zion.