1083an, Ramiro, Antso Gartzes IV.a "Peñalengoaren" anaia, Ruedako gotorleku musulmanera zihoan espedizioa zuzentzera bidali zuten. Gotorlekua Ibn Faluke buruzagiaren agindupean zegoen. Ramiro eraildako erregearen tronua aldarrika zezakeen senide bakarra zen arren, Alfontso VI.a errege gaztelauarekin bat egin zuen.
Ruedako gudan ere Alfontso VI.a erregea defendatu zuen. Ibn Faluke buruzagi musulmanak Zaragozako subiranoaren aurka altxatzeko plantak egin zituen, eta gaztelauei bera laguntzera joateko eskatu zien. Laguntza-deia musulmanek antolatutako segada bat izan zen, eta gaztelako jaunak eta infantea erori ziren. Gaztelako batailoia hirian sartu zenean, ateak itxi zituzten. Barruan zeudela, dorretatik eta leihoetatik lantzaz eta geziz eraso egin zieten. Ramiro infantea 1083ko urtarrilaren 6an hil zen, eta Naiaran lurperatu zuten.
Bestetik, Gartzia infante gaztea, Antso Gartzes IV.a erregearen semea eta Iruñeako koroaren legezko oinordeko zena, konkistatu berri zegoen Toledora eraman zuten (1084), eta bertako gobernadore izan zen, 1089ra arte. Alfonso VI.a erregeak Abenaber errege musulmanaren laguntza jaso zuen. Izan ere, Isabel emaztearen aita zen (lehen Zaida izena zuena).