Abentura amerikarra. Gurasoak hiltzean, Sevillara joatea erabaki zuen, bere ondasunen zati bat Juan Martinez de Marutegui senideari saldu ostean. Salmenta honetan Oruesagastiren etxea eta baserria agertzen ziren, bere jabetzakoak ziren lur eta onibar guztiekin, eta berrogeita hamar mila eta bostehun marabedi biltzen ditu. Sevillan izena eman zuen Pedro de Mendoza aurreratuaren espedizioa osatzeko, Rio de la Platan hiri bat sortzeko helburuarekin, Espainiako koroarentzat Hego Amerikako lurrak konkistatzeko oinarri gisa. Iralak, espedizioko kide gisa, itsasontziak pleitatzeko, tresnak, armak, elikagaiak eta abar erosteko dirua du. 23 eta 28 urte artean izango zituen orduan. Espedizioa Sanlúcar de Barramedatik abiatu zen 1535eko abuztuaren 24an.