1878ko Kontzertu Ekonomikoak indarrean zeudenez, hezkuntzaren arloan berezko baliabide ekonomikoak izatean, Euskal Herriko Foru Aldundiek probintzia bakoitzaren interesetara eta gizartearen beharrizanetara egokitutako hezkuntza-politika garatu ahal izan zuten. Horrez gain, baterako ekintza jakin batzuk burutu zituzten irakasleei ordaintzeko funtsen zentralizazioari aurre egiteko eta autonomiazko eskariak egiteko Estatuaren aurrean. Ildo horretatik, Foru Aldundietako hezkuntza-politikak aztertzeko lau alderdi ezberdindu daitezke:
- Estatuaren hezkuntza-politikaren aurreko planteamendua
- Berezko hezkuntza-proiektuak, neurri batean probintzia mailako autonomia izanik, probintzia eta udaletako funtsekin sostengatua
- Foru Aldundiaz aparteko proiektuetarako diru-laguntzen politika (udal proiektuak, erakunde pribatuak, euskararen irakaskuntzarako diru-laguntzak)
- Estatuko legediz ezarritako betebehar ekonomikoak (bigarren hezkuntzako institutuak, eskola arruntak, etab.).