Bidasoa ibaia. Nafarroan sortzen da, Izpegin, 710 m-ko altueran. Mugairirainoko ibilbide gorenari Baztan ibaia deritzo. Bertizaranan sartzean bakarrik hartzen du Bidasoa izena. Geografo batzuek, erosotasunagatik, Erratzuko udalerrian dagoen Izpegitik Bidasoa deitzen diote. Gipuzkoan Endarlatsatik sartzen da, Behobia eta Irundik igaro eta Txingudiko badian itsasoratzen da, Hendaia eta Hondarribia artean. Gipuzkoako bederatzi kilometroko ibilbide laburrean Behobia, Artika, Meaka eta Zubi-muxu errekak hartu ditu Irunen, eta Urdanibia eta Santa Grazia Hondarribian.