Bermeoko parrokia herriko plazan kokatzen da, udaletxearen aurrean. Lehen Bañoseko kondeen jauregia egon zen bertan. Eliza 1820.ean eraiki zuten, Santa Maria Atalaiakoaren ordez, berori amiltzear baitzegoen. Estilo neoklasikoaz, Silvestre Perez eta Alejo Miranda arkitektoek diseinatu zuten. Euskal Herriko neoklasizismoaren eredu onenetarikoa dugu. Lehenengo gerra karlistaren ondorioz, 1858. urtera arte iraun zuen eraiketa-lanak. Kanpandorreari 1898. urtean eman zitzaion akabera.