Ikerketari emandako bizi osoaren ohorea. 1964an, Euskalerriaren Adiskideen Elkarteak kide izendatu zuen ohore guztiarekin. Urtebete geroago, 1965ean, Euskaltzaindiako akademiko izendatu zuten eta 1979an, erakunde horren eskutik Ohorezko Akademiko titulua jaso zuen. 1982an, Odon de Apraizekin batera omenaldi beroa jaso zuen Aramaion.
1983. urtean, Apellanizeko adiskideak izan ziren esker ona adierazi ziotenak, herriko plazari bere izena eskainita. Urte hartan bertan, Gasteizko Udalak "Hiriko Urrezko Domina" eman zion. 1990ean, Eusko Ikaskuntzak "Manuel Lekuona" saria ematea erabaki zuen, euskal kulturari egindako "opera omnia" ekarpen guztiagatik. Gasteizko ikastetxe publiko batek bere izena du, baita Arabako Lurralde Historikoko Agiritegiko areto batek ere.