Donostian bizi izan zen, eta Donostia modernoko auzo ezagunenetako bati eman dio izena. 1891. eta 1892. urteetan hiriko Udalak, Tomás Grosek proposatuta, itsasoari begira, Urumea ibaiaren eskuinaldeko lurrak urbanizatzea erabaki zuenean, akordio batera iritsi zen urbanizatu beharreko ia lursail guztien jabeekin, Tomás Gros eta Juan Iribas. Akordioak oso baldintza egokietan uzten zuen udalerria plana gauzatu ahal izateko. Gros eta Iribas jaunek kostako hormaren (orain Kolon pasealekua zegoen murru zaharra) eraikuntza ordainduko zuten eta lursailak, bide eta eraikin publikoetarako, lagako lituzkete bi pezeta metro kuadrokoren truke, eta, kaleak betetzeko, harea edo lurra doan. Udalak 1920ko urtarrilaren 30ean hartutako erabakiaren bidez, Tomás Gros izena eman zitzaion Miracruzen hasi eta Iztuetan amaitzen zen kale berriari.
Erref.: Oyarzun, M. : San Sebastián. Sus calles y principales monumentos, 76. orr. GROS auzoa
--