2013 urtean Baztandarren Biltzarrak 50 kandela itzali zituen. 50 urteko historia, bere muina galdu gabe: meza, laxoa partiduak, orgen desfilea, mutil-dantzak, bazkari herrikoia... Guzti hori, kultur ekintzekin batera: kontzertuak, herri kirolak, antzerkia, zinea, abesbatzak,...
Bost hamarkada, ez beti errazak. Arazo eta oztopoak gainditu behar izan dituzte eta ez bakarrik kanpokoak (diru laguntza falta, babes ofizialik gabe, errepresio zuzenarekin, espedienteak eta abar), baizik eta barrukoak ere, antolatzeko pertsona gutxi egon baitira askotan.
Urte hauetan zehar arrazoi ezberdinengatik bitxiak edo aipagarriak izan diren momentuak egon dira. Horrela, interesgarria da une horiek gogoratzea: 1973 urtean izan ziren 30.000 parte-hartzaileak, lehenengo edizioaren 2.500 pezetako aurrekontua edo, 1980an, emakumeen mutil-dantzetan lehenengo parte hartzea.
Festaren urteurrena zela eta, abesti bat konposatu zen. Letra Fernando Anbustegirena da eta musika Trikidantz taldearena.
Gazte batzuren ilusioa Arizkun, almandoz eta ziga Elkartu Baztandarren biltzarraren leloa | Dantzatu Aitortu eskuarari daukan balorea Atzendu dezagun gure jarrera baldarra Zorionak baztandarren biltzarra! Elkartu |