1923ko uztailaren 12an Donostian jaiotako historialari eta irakasle gipuzkoarra.
XIX. mendeari buruzko espainiar historiografiaren berritzaile, Historia politikoari buruzko bere lanak -iraultza burgesa, konstituzionalismoa, oinarri ekonomikoak– giltzarri dira Espainia garaikidea interpretatzeko.
Filosofia eta Letretan graduatu ondoren, 1948an hasi zen irakasle lanetan, Espainiako Historia irakasle gisa, Madrilgo Unibertsitate Konplutentsean. 1953an bere lehen lana agertu zen, Frantsestuak. Gregorio Marañonek luzatutako funtsezko azterketa honekin, Espainiako historiaren alderdirik ilunenetako bat sartzen da, eta bere ikerketa ildo nagusiaren oinarriak finkatzen ditu: Antzinako Erregimenetik gizarte burges liberalerako trantsizioa. Bertan, hispaniar lurraldeen "frantsesaren aurkako" kohesioa planteatzen du, gizarte estamentuen disentsioaren aurrean.