Pepe Arana.
Gipuzkoako pertsonaia ospetsua, negozio gizona eta jai eta ikuskizunen sustatzaile dinamikoa. 1839an Eskoriatzan jaioa, 1908ko abenduaren 5ean hil zen.
Madrilgo Errege Antzokiko enpresari izan zen, eta mende honen hasieratik ospatzen ari den Donostiako Aste Nagusiaren sortzailea. 1876tik 1902ra Atotxako zezen-plazaren jabe eta enpresari izan zen; jai ikusgarriak antolatu zituen eta udako kontzertuei hasiera eman zien; berari zor zaio Donostian 1886an egiten den lehen musika-lehiaketa. Bere ekimenari esker, Beti-Jai pilotalekua inauguratu zen, San Telmoko kuartelaren aurrean, gaur egungo Principe antzokiaren etxadian. Urte batzuk geroago Zurriolako Zirku Antzoki bihurtu zuen Aranak, 1914an sute batek suntsitu zuen arte. Donostiari utzi zion legatuari esker, 1909an urak ekarri zituzten eta 1912an behartsuentzako babeslekua eraiki zuten.
Donostiako Udalak, 1917ko abenduaren 5eko bilkuran, hiriko kale bati bere izena ematea erabaki zuen.