Universidades

Universidad de Deusto (versión de 2011)

Ver versión en euskara.

Deustuko Unibertsitatea Europako Goi Mailako Hezkuntzaren Esparruan lanean dihardu. Boloniara egokitutako graduko titulazioak ere eskaintzen dira.

Graduondoen atalean 8 espezialitate arlotan antolatutako 63 titulu eskaintzen dira. Hauetatik 33 Europako Goi Mailako Hezkuntzaren Esparrura egokitutako masterrak dira, 7 Erasmus Mundusak, eta 31 titulu propio (batzuk on-line egiteko aukera izanik), eta doktoregoko 10 programa.

Era berean, ikasketen ataletik gradu berriak ezartzen diren neurrian desagertuz joango diren lizentziatura, diplomatura, ingeniaritza eta titulu propioak ere aukeran daude.

Horrez gain, hizkuntza ikasteko aukera zabala ere eskaintzen da. Deustuko Unibertsitateak eskaintzen dituen hizkuntzak euskara, espainiera, ingelesa, frantsesa, alemana, arabiera eta mandarin txinera dira.

Bilbon (Bizkaia) eta Donostian (Gipuzkoa) aurkitzen dira Deustuko Unibertsitatea osatzen duten bi campusak.

Ikasketak bi campusetan ematen dira, Fakultateak ikasketen arabera banaturik, honako hauek direlarik:

Zuzenbide Fakultatea: Bilboko campusean kokatua, Zuzenbide, Zuzenbide + Ekonomia Espezializazioa eta Gradu bikoitza EAZ + Zuzenbide graduak eskeintzen ditu. Graduondokoak egiteko ere aukera ematen du Master titulu ofizialak eta titulu propioak eskeiniz.

Teologi Fakultatea: Bilboko campusean kokatua, Teologian Batxilergoa, eta Lizentziatura egiteko aukera ematen du.

Ingenieritza Fakultatea: Bilboko campusean kokatua, Ingenieritzako gradu ezberdinak burutzeko aukera ematen du, Ingenieritza Teknikoa edo Ingenieritzako tituloa eskuratuz. Honela, Informatikako Ingenieritza Gradua, Industria Teknologien Ingenieritzako Gradua, Industria Elektronikako eta Automatikako Ingenieritzako Gradua, Industria Antolaketako Ingenieritzako Gradua, Ikus-entzunezko Sistemen Ingenieritza Gradua edota Telematikako Ingenieritza Gradua dira aukeran dauden Gradu titulazioak. Graduondokoak eta Doktoregoak ere burutzeko aukera badago.

Ekonomia eta Enpresa Zientzien Fakultatea: Bilboko campuseko La Comercial-en eta Donostiako campuseko ESTEren gradu eta graduondoen prestakuntzak eskaintzen dira. Honela, Bilboko campusean Gradu (Enpresen Administrazio eta Zuzendaritzako Gradua, Enpresen Administrazio eta Zuzendaritzako Gradua + Zuzendarien Aurrerabideko Programa, berezko titulua izanik) eta Gradu bikoitzak (Enpresen Administrazio eta Zuzendaritzako Gradua + Zuzenbideko Gradua, Enpresen Administrazio eta Zuzendaritzako Gradua + Industria Teknologien Ingeniaritzako Gradua) burutzeko aukera dago. Bestalde, Master eta Doktoretza ikasketak ere eskeintzen dira. Donostiako campusean aldiz, graduaurrekoen artean LADE (Enpresen Administrazioa eta Zuzendaritza+Espezializazio Masterra) eta LADE + ITIG: Titulazio bikoitza: Enpresen Administrazio eta Zuzendaritza eta Kudeaketako Informatika egiteko aukera dago. Enpresen Administrazio eta Zuzendaritzako Gradua, Enpresen Administrazio eta Zuzendaritzako Gradua + Zuzenbide Gradua, eta Enpresen Administrazio eta Zuzendaritzako Gradua + Informatikako Ingeniaritza Graduak burutzeko aukera ematen du, Graduondoko eta Doktoregoak ere egitea posible delarik.

Psikologia eta Hezkuntza Fakultatea: Bilboko campusean kokatua, Psikologiako Gradua, Gizarte Hezkuntzako Gradua, Lehen Hezkuntzako Gradua (Atzerriko Hizkuntzako eta Hezkuntza Premia Bereziak) nahiz Psikopedagogiako Gradua (2. zikloko ikasketak), burutzeko aukera ematen du. Bestalde Psikologia eta Hezkuntzako graduondoak ere egitea posible da, hauen artean Doktoregoa, Master ezberdinak (Droga-menpekotasunei eta beste adikzio batzuei buruzko Unibertsitate Masterra, Derrigorrezko bigarren hezkuntzako, batxilergoko, lanbide heziketako eta hizkuntzen irakaskuntzako Unibertsitate Masterra, Gerontologiako Unibertsitate Masterra, etab.), edota titulu propioak (Entzumen eta mintzairako aditua, Lan taldeen zuzendaritza eta lidergoa, Erakundeetako aldaketaren eta berrikuntzaren kudeaketa, Erakundeetako pertsonen eta lan taldeen zuzendaritza, Ikastetxeetako baliabideen kudeaketa, Ikastetxeetako egituren kudeaketa, etab.) ikastea posible delarik.

Gizarte eta Giza Zientzien Fakultatea: Donostiako campusean Komunikazioko Gradua (komunikabideak, enpresa eta erakundeetakoa, kultura artekoa eta nazioartekoa), Turismoko Gradua eta Gizarte Laneko Graduak egiten dira. Bilboko campusean aldiz Gizarte Laneko Gradua, Turismoko Gradua, Hizkuntza Modernoetako eta Kudeaketako Gradua, Hizkuntza Modernoetako Gradua (Ingeles Ikasketak eta Hispaniar Ikasketak), Euskal Filologiako Gradua eta Giza Zientzietako Gradua (Historia; Filosofia eta Erlijioen Historia) bezalako ikasketak burutu daitezke. Bestalde Masterrak, Doktoregoak (Gizarte Zientziei buruzko doktoregoa, Aisia eta Giza Garapenari buruzko doktoregoa eta Nazioarteko nahiz Kultura arteko Ikasketetako doktoregoa) nahiz Titulu propioak (Zuzendaritzako Idazkaritzako Unibertsitate Graduatua, Kultura eta Elkartasuneko Unibertsitate Tituluduna) ere ikasteko aukera ematen da.

Europako Elkarteak unibertsitateen arteko lankidetza sustatzen du irakaskuntzaren kalitatea hobetzeko, ikasleen eta goi mailako irakaskuntza zentroen mesederako. Ikasleen mugikortasuna lankidetza horren funtsezko elementua da. Erasmus programak ikasketak burutzeko atzerriko egonaldiak esperientzia aberasgarriak direla erakusten du. Egonaldi horiek herrialde, ideia, hizkuntza eta kultura desberdinak ezagutzeko ez ezik unibertsitateko ikasketen eta ibilbide profesionalen eboluziorako ere eraginkorrak eta baliotsuagoak dira.

Garai batean EUTG zena Donostiako Campusean kokatzen da, ESTE bezala ezagutzen delarik. Honela, ondorengo ikasketak burutu daitezke:

Enpresen Administrazioa eta Zuzendaritzako Gradua (EAZ): Batetik, EAZ graduak zuzendaritza estrategikoa, Finantzak eta kontabilitatea, Marketina eta International Business (ingelesez)-ari buruzko ezagutzak lantzen ditu eta bestetik EAZeko Gradua, aipamena + Berrikuntzako DUko titulu propioa eskura daitezke.

Komunikazioko Gradua: Komunikazioa bere osotasun eta konplexutasunean aztertzen du eta komunikazioaren arloan bat egiten duten ikuspegi eta metodologia zientifikoak aintzat hartzen saiatzen da. Helburua, komunikazioaren fenomenoa eta laneko sektorea bere osoan eta konplexutasunean ulertzeko gai diren komunikazioko profesionalak prestatzea da.

Turismoko Gradua: Sektorearen izaera dinamikoagatik, eta eskaintza turistikoa inguru aldakorrera egokitu beharrak eraginda, enpresa eta erakundeetan planifikatzen, antolatzen, zuzentzen eta komunikatzen dakiten profesionalak prestatzea du helburu gradu honek.

Gizarte Laneko Gradua: pertsonek besteekiko eta inguruarekiko harremanetan izan ditzaketen arazo psikosozialak tratatzeko gaitasun profesionala emango duen titulua da.

Enpresen Administrazio eta Zuzendaritzako Gradua + Zuzenbideko Gradua: Enpresen Administrazio eta Zuzendaritzako eta Zuzenbideko gradu bikoitzak gai juridikoen eta enpresen zuzendaritza eta antolaketaren ikuspegi bateratua ematen du, enpresetan eskaera handikoa den titulua delarik.

Enpresen Administrazio eta Zuzendaritzako Gradua + Informatikako Ingeniaritzako gradua: EAZ + Informatikako Ingeniaritzako Gradu bikoitza egiten duten ikasleek, enpresaren kudeaketan eta zuzendaritzan ardurak hartzeko gaitasunaz gain, informazioaren eta komunikazioaren teknologia berriek erakundeei eskainitako aukerei etekina ateratzeko prestakuntza jasotzen dute. Bi modalitateetan burutu daiteke gradu bikoitz hau, nazioarteko modalitatearekin edo nazioarteko modalitaterik gabe.

Enpresen Administrazio eta Zuzendaritza eta Kudeaketako Informatika (Titulazio bikoitza): Titulazio honen helburua "ekonomia berriaren esparruan, enpresetako zuzendariak" prestatzea da, informazioaren eta komunikazioaren teknologia berriek erakundeei eskaintzen dizkieten aukerei probetxurik handiena ateratzeko ezaguera emanaz.

Enpresen Administrazioa eta Zuzendaritza+Espezializazio Masterra: EAZ gradua burutzeaz gain Zuzendaritza Estrategikoko Espezializazio Masterra, Finantza eta Kontabilitateko Espezializazio Masterra, Nazioarteko Kudeaketako Espezializazio Masterra, Marketineko Espezializazio Masterra, Espezializazio masterretako 3. moduluko azken fasean Donostiako edo nazioarteko aukera har dezake ikasleak.

Giza Zientziak: Komunikazioa. HUCO: Komunikazioaren esparruko profesionalak prestatzen ditu, edukiak sortzeko, prestatzeko, formarik egokiena emateko eta konplexutasun osoan kudeatzeko gai izango direnak.

Giza Zientziak: Enpresa. HUEM: enpresa proiektua eraginkortasunez antolatu, lideratu, kudeatu eta zuzentzeko gai diren profesionalak prestatzea da helburu nagusia, enpresa eta giza zientzietako gaitasunak landuz.

Gizarte Lana: Talde eta elkarteetan ongizatea eta garapena galerazten duten egoera arazotsuei aurre egiten dien profesionalak prestatzea da ikasketa hauen helburu nagusia.

Turismoa: Donostiako Turismoko Unibertsitate Eskola, Estatuan sortu zen lehenengoa izanik, turismoaren sektoreko edozein motatako enpresetan lan egiteko profesionalak prestatzera bideratuta dago.

  1. Enpresen Zuzendaritzako Unibertsitate Masterra - MBA
  2. Executive Master in Business Administration EMBA
  3. Multinational Master in Business Administration (MMBA)
  4. Master in Business Innovation (MBI)
  5. Finantza Zuzendaritzako Programa Exekutiboa (PEDF)
  6. Programme for Leadership Development (PLD)