Historiadores

Lana Berasain, Jose Miguel

Historialaria, 1964an Zaragozan jaioa.

Bertako unibertsitatean 1987an Filosofia eta Letretan lizentziatua, 1997an erdietsi zuen Historia doktoregoa, Cambio agrario y relaciones de propiedad en el sur de Navarra, 1800-1936 tesiarekin. 1991tik lehenik Teruelen ("Colegio de Graduados Sociales" deritzonean) eta gero Zaragozako Unibertsitatean irakasle laguntzailetzat jardun zuen, eta 1997tik aurrera berriz, Nafarroako Unibertsitate Publikoan; 2004. urteaz geroztik irakasle finkoa da bertan.

Aro Garaikideko (XVIII-XX mendeak) Nekazaritzaren eta Abelazkuntzaren Historian espezializatuta dago, eta bere ikerketa gehienak Nafarroako testuinguruari dagozkio. Halaber, landa lurretako propietatearen eta lan munduaren alderdiak ere izan ditu bereziki aztergai. Ikuspegi erregionala, edonola ere, ez du europar mailako ikerketa proiektuetan parte hartzeko eragozpena izan; horrela, "Enigma of commons. Surviving and management of common pool resources in European rural communities" (HUM2006-01277/HIST, 2006-2009) eta "The benefits of the Commons. A historical approach to the collective property, use and management of natural resources and its effect on environment and society" (HAR2009-09700/HIST, 2009-2010) proiektuetan lan egin izan du. Horrez gain, artean lanean diharduten europar mailako elkarlanerako eta informazio trukaketarako programa informatikoen garapen proiektu hauetan ere parte hartzen du:

Bere intereseko aipatu ikergaien erakusgarri, espezializaturiko aldizkarietarako nahiz lan kolektiboetarako idatziriko artikulu ugarien artean honakoak aipatu litezke:

  • "El mundo rural y la economía agraria" (I. IRIARTE GOÑIrekin batera). Non: DE LA TORRE, J. (arg.): Navarra, siglo XIX. Cien años de Historia. Iruña: Instituto Gerónimo de Uztariz / Caja Laboral, 1994; 15-70 orr.
  • "Costes de la guerra civil y del primer franquismo sobre la agricultura navarra". Non: Enfrontaments civils: postguerres i reconstrucciones. Lleida: Associació Recerques & Pagés Editors, 2002; 922-939 orr.
  • "Jornales, salarios, ingresos. Aproximación a la evolución de los niveles de vida desde la Navarra rural, 1801-1935". Non: MARTÍNEZ CARRIÓN, J.M. (arg.): El nivel de vida en la España rural, Siglos XVIII-XX. Alicante: Universidad de Alicante, 2002; 135-170 orr.
  • "La agricultura de regadío en Navarra y Alava en la segunda mitad del siglo XX" (I. IRIARTE GOÑIrekin batera). Non: PINILLA, V. (arg.): Gestión y usos del agua en la cuenca del Ebro en el siglo XX. Zaragoza: Prensas Universitarias de Zaragoza, 2008; 335-367 orr.
  • "Los aprovechamientos agrícolas comunales en el sur de Navarra entre los siglos XIX y XX". Agricultura y Sociedad; 65. Madrid: Ministerio de Agricultura, Pesca y Alimentación, 1992, 115-136 orr. (PDF).
  • "El asalto a los bienes comunales. Cambio económico y conflictos sociales en Navarra, 1808-1936" (J. DE LA TORRErekin batera). Historia Social; 37. Valenzia: UNED Alzira-Valencia / Instituto de Historia Social, 2000, 75-96 orr.
  • "La gran propiedad del valle del Ebro ante la coyuntura: la gestión patrimonial de los marqueses de San Adrián durante el siglo XIX". Signos Históricos; 15. Mexiko D.F.: Universidad Autónoma Metropolitana-Iztapalapa, 2007, 8-42 orr. (PDF).
  • "From equilibrium to equity. The survival of the commons in the Ebro basin: Navarra from the 15th to the 20th centuries". International Journal of the Commons; 2, 2. Indiana (EEBB): International Asoociation for the Study of the Commons, 2008 (uztaila), 162-191 orr. (PDF).

Bestalde, ondorengo liburua ere argitaratu du: El sector agrario navarro (1785-1935). Cultivo, ganadería, propiedad y mercados. Iruña: Nafarroako Gobernua, 1999, eta lan kolektibo bat ere koordinatu du: En torno a la Navarra del siglo XX. Veintiún reflexiones acerca de Sociedad, Economía e Historia. Iruña: Nafarroako Unibertsitate Publikoa, 2002. Era berean, R. Congost-ekin batera, beste lan kolektibo baten argitaratzailea ere izan da: Campos cerrados, debates abiertos. Propiedad de la tierra y análisis histórico en Europa (siglos XVI-XIX). Iruña: Nafarroako Unibertsitate Publikoa, 2007. Azkenik, ikertaldeen elkarlanerako Workpaper edo lan-paperak ere badira bere argitalpenen artean.

Oso parte-hartze aktiboa izan du hainbat elkartetan: "Gerónimo de Ustáriz" Ekonomia eta Gizarte Historiaren Institutuko partaidea da, eta bertako zuzendaria izan zen 2000-2005 bitartean. Bertako aldizkariaren edizioaren ardura ere badu, 1991z geroztik. "Sociedad Española de Historia Agraria"-ko (SEHA, lehenago "Seminario de Historia Agraria") zuzendaritza kontseiluko partaide izan zen 2002-2009 bitartean (sufragio bidez hautatua), eta elkarteko web gunearen ardura darama (). Horrez gain, "Asociación de Historia Contemporánea"-ko eta "Asociación Española de Historia Económica"-ko (AEHE) sozioa ere bada, eta azken elkarte honen web gunean ikerketari dagozkion edukiez arduratzen da.