Pako.
1959an Azkoitian (Gipuzkoa) jaiotako euskarazko idazlea.
Euskal Filologian doktorea. Orioko ikastolan irakasle lanetan denbora laburra eman ondoren, Legazpi, Pasaia eta Hernaniko helduen euskara irakaskuntzarako euskaltegietan aritu da. 2001etik Pasaiako Udaleko Euskara Zerbitzuko teknikaria da.
1995ean Mikel Zarate saiakera saria irabazi zuen, Euskaltzaindiak eta BBK-k babestua, Nemesio Etxanizen biografia eta ideologia lanari esker. 1999an Andimaren idazlan hautatuak argitaratu zuen, Francisco Francoren diktadura garaiko euskal idazlea zen Andima Ibiñagabeitiaren artikuluen bilduma, bere bizitzaren zati handi bat Hego Amerikan bizi izan zuena. 2002an Piarres Lafitte: kazetari-lan hautatuak argitaratu zuen, eta 2011n 50eko hamarkadako euskal literaturan sakontzen duen lana, hiru liburukitan.
Sudupek hainbat artikulu argitaratu ditu Egan, Jakin, Hegats, Habe, Euskaldunon Egunkaria, Berria edota El Diario Vasco bezalako aldizkari eta egunkarietan.
- Euskal Idazleen Elkartea [Web]. Pako Sudupe Elortza. [Kontsulta data: 03-06-2013].