tronpeta.
Haurrentzat egiten den soinu-jostailua. Gaztainondo-makilari kendutako azal-zinta luze batekin egindako dultzaina gisako tutu konikoa da. Goiko muturrean mihi bikoitzeko pita sartzen zaio. Pita ahoan sarturik haizea emanez, honen bi mihiak bibrarazi egiten dituzte. Pita makilatxo bati ateratako azal-tutu txiki batekin osatzen da. Ez du tonu-aldaketarako zulorik. Beraz, nota bakarra ematen du.