XV. mendeko gipuzkoar nortasuna, Errenterian jaioa. Pio II.a Aita Santuak 1462an izendatutako Elkargo Santuko notarioa. Gaztelako Enrike IV.ari zerbitzatu zion, eta honek hainbat mercedes eman zizkion, Errenteriako alkabalen gaineko urteko errenta bezala. Erregea hil zenean, Isabel Katolikoak, Anton Baenarekin batera, Gipuzkoako Ermandadearen Batzar Partikularrera bidali zuen, 1475eko urtarrilean Basarten bildurik, Probintziari erregina berriari leialtasuna zin egin ziezaion eskatzeko. Contino izan zen, deskarguen diruzaina eta Errege-erregina Katolikoen enbaxadorea, Orioko Arratzubiako burdinolen eta Nafarroako Anizlarrea burdinolen gaineko errentak jaso zituena.