1540an Eibarren jaiotako gipuzkoar eliz pertsonaia, domingotarra. Gaztea zela Espainia Berrira aldatu zen eta Mexikoko Predikarien Ordenako irakasle izan zen 1568an. Mexikoko hiriburuko komentuan Arte eta Teologia irakurle gisa aritu zen; ondoren, bertako irakasle izan zen, Oaxaca eta Pueblako komentuetan lan egin ondoren. 1581ean Santo Domingoko Probintzial hautatu zuten. 1585ean bere agintaldia amaitu zuenean, San Luis de Puebla ikastetxeko errektore izendatu zuten. Geroago, Mexikoko prior eta Mexikoko Unibertsitateko Bezperetako katedradun izatera itzuli zen. 1589an, Ordenak Villamanriqueko markes erregeordearekin izandako liskar larrien ondorioz, Escorialera joan zen, eta Felipe II.ak erregeordea kargutik kentzea eta Chiapasko gotzain izendatzea lortu zuen. Hil arte indarrean egon zen elizbarruti honetan, bere jurisdikzioa zabaldu zuen, kleroan erreforma garrantzitsuak egin zituen eta mojen komentu bat sortu zuen. 1602an Michoacango gotzain-egoitzara bultzatu zuten, baina ez zen karguaz jabetu, urte bereko maiatzean hil baitzen. Lan teologiko eta historikoak idatzi zituen, latinez, gaztelaniaz eta indigenen hizkuntzan; horien artean In primam secundae Divi Thomae.. 1572, Prima pars Divi Thomae... (1575) eta Titok eta Vespasianok Jerusalem setiatu eta suntsitu zuten...
Ainhoa AROZAMENA AYALA
Ainhoa AROZAMENA AYALA