Margolaria eta ilustratzailea. 1943an Seguran jaioa.
Besteak beste, Bilbon, Donostian, Gasteizen, Iruñean, Lazkaon, Beasainen, Ordizian, Tolosan, Zumarragan, Madrilen eta Bartzelonan egin ditu erakusketak. Bilboko Euskal Herriko I. Pintura Lehiaketako lehen saria nabarmendu behar da. Axularren Gero liburuaren Jakin edizioaren ilustratzailea da, eta Arabako Arte Ederren Museoak eta hainbat bilduma pribatuk bere lana dute. Pintzelkada leuneko teknika bat erabiltzen du, eta efektu lausotuekin nahasten du aerografoa. Bere lanetan, figuratibismoa eta abstrakzioa konposizio originaletan osatzen dira.