1960ko urtarrilaren 23an Beasainen jaiotako abesbatza eta konpositore zuzendaria.
Hemeretzi urterekin hasi zituen musika ikasketak, piano eta biolin tituluak eskuratuz. Donostiako Orfeoiko kide izan zen eta gaur egun XX. mendeko musika koralean espezializatutako Kea ahots taldeko kide da. Beasaingo Loinatz Abesbatzako zuzendaria, Gipuzkoako Abesbatzen Federazioko batzorde teknikoko kidea eta Gipuzkoako Gazte Abesbatzako zuzendaria izan da. Halaber, Euskal Herriko Abesbatzen Federazioak antolatutako Zuzendaritza ikastaroetako irakaslea da. Berak konposatutako lanen artean Tolosako Abesbatzen Lehiaketan ezinbesteko lana izan zen Veni creator spiritus bat dago. Horrez gain, Biolin, Harmonia eta Kantu Koraleko irakaslea da Beasaingo Udal Musika Eskolan.