1956ko urtarrilaren 11n Donostian jaiotako konpositorea.
Errenteriako Musika Bandako kide izan zen hamabi urte zituenetik, eta hainbat musika taldetan parte hartu zuen: Alarma Orkestra, Marbella Orkestra, Skay Taldea, Musikaste Orkestra, Donostiako Barroko Taldea, Mondragon Orkestra (honen sortzaileetako bat da), Txistu Talde Esperimentala, Gerla Metal Taldea eta Donostiako Musika Talde Kontserbatorioa. 1982ko martxoan, oposizio bidez, Errenteria Musikal Kontserbatorioan irakasle plaza lortu zuen, eta 1994an bertako zuzendari bihurtu zen. Bere konposizio-lanean koru-konposizio ugari nabarmentzen dira, horien artean Belengo Izarra, Ereintza kultur elkarteak antolatutako Errenteriako Gabon-kanten Lehiaketa Probintziala (1991) irabazi zuen abesbatza mistorako konposizioa.
- ERESBIL: Dokumentu-saila, D1/SAN-31. Alberto Santos Eizaguirreren curriculum vitae-a.