1869an Donostian jaiotako organista eta konpositorea. Donostian hil zen, 1947ko abenduaren 22an.
Bonifacio Echeverría, Felipe Gorriti eta Varela Silvariren ikaslea izan zen. 1886an Segurako organista postua lortu zuen. Ondoren, organo-jotzaile jardun zuen Asteasun eta, 1913tik aurrera, Donostiako San Inazio parrokian. Gainera, Victoria Erreginaren Asiloko musika irakaslea izan zen. Bere konposizio-katalogoan 200 lan baino gehiago daude, eta 11 sari ere lortu ditu hainbat lehiaketatan. Alfontso X.a Jakitunaren gurutzea jaso zuen.
- ERESBIL: Dokumentu-saila, D1/SAN-21. Santa Isabel (Leonardo). Non: Bederatzigarren Arantzazu 1918-43.
- ERESBIL: Dokumentu-saila, D1/SAN-21. Leonardo Santa Isabel Artucharen biografia.
- ERESBIL: Dokumentu-saila, D1/ SAN-21. Jose Antonio Arana Martija eta Vicente Aramburu, Segurako parrokoaren arteko eskutitza (1968-1975).