XIX. mendeko gipuzkoar politikari ospetsua, Hondarribian jaioa 1779an. Bergarako Seminarioko Kolegiatua, bere jaioterriko alkate izan zen 1804, 1817, 1825, 1826 eta 1829an. Gipuzkoako diputatu nagusia, lehen alderdikoa, 1815eko uztaileko Getariako Batzarretatik. 1818ko uztaileko Azpeitiko Batzarretan berrautatua izan zen, 1823ko maiatzeko Ordiziakoetan, 1825eko uztaileko Zumaiakoetan eta 1827ko uztaileko Bergarakoetan.