Bergaran jaio zen 1449an eta 1520an hil zen. Espainiako Koroako funtzionarioa izan zen mende erdi baino gehiagoz, Errege Katolikoen idazkaria izan zen, Felipe I.aren ikuskatzaile eta kontularia, eta Karlos I.a enperadorearen intendentea. Bergaran, Hirutasun Santuaren frantziskotarren komentua sortu zuen (1563), eta Koroak Oñatiko frantziskotarren fundazioa ere agindu zion, lehen kaperaren mesedetan. Santiagoren Ordenako zaldun eta komendadore izan zen. Magdalena de Araozekin ezkondu zen, eta Bergarako Ondarza-Araoz maiorazkoa eta jauregia sortu zituen.