Oilarra eta oiloa oso etxeko eta garrantzitsu izan ditu euskaldunak eta horregatik uste eta sineste mota ugari sorrarazi dute.
- Elorrion diote oilarrak hiru bider kantatuz gero ez dela ezer gertatzen, baina kukurruku gehiago eginez gero, eguraldia txarra izango dela edo norbait hilko dela.
- Gauerdi aurrean oilarrak kukurruku egiten badu sorginak gertu dabiltza, eta kandela bedeinkatua piztu eta gatza sutara bota behar da.
- Gau beranduan edo ordu biak baino lehenago joz gero Garbitokiko arimak otoitz eske dauden seinalea da.
- Oilarrak arratseko bostak ezkero jotzen badu, edota zuhaitzetan gora igotzen bada, hogeita lau ordu barru euria egingo du.
- Norbait luzaroan gaixo dagoenean, sorginek burukoaren barruan lumazko oilar bat eratzen dutela esan ohi da; gaixoa sendatzea nahi bada, oilar hori bidegurutze batera eraman eta bertan erre egin behar da.