Historialaria, 1975ean Iruñean jaioa.
1997an Nafarroako Unibertsitatean (UNAV) Historian lizentziatua, doktoregoa Nafarroako Unibertsitate Publikoan (UPNA) 2006an erdietsi zuen. Hainbat aldiz joan izan da Frantziara bere ikerketak burutzera; Parisen, Toulousen eta Lyonen egin ditu egonaldiak. 2008az geroztik irakasle laguntzailea da, Nafarroako Unibertsitate Publikoko Geografia eta Historia Departamentuaren Gizarte Zientzien Didaktika sailean.
Bere lana, hein handi batean, Nafarroako Erreinuko dokumentazio ekonomikoaren argitalpenera bideratu izan du, eta bere ikerketa esparrua ere, nagusiki, XIII-XV mende bitarteko Nafarroako Erreinuaren eta instituzio publikoen hazienda, fiskalitate eta administrazioari loturiko gaiek osatzen dute. Ikerbide hauek gauzatzeko, "Hacienda, fiscalidad y administración pública en el reino de Navarra (hasta 1328)" (Nafarroako Gobernua, 2003-2004), "Hacienda pública y gestión financiera en el reino de Navarra (1280-1335)" (Ministerio de Educación y Ciencia, 2003-2006) eta "Cartularios de los Reyes de Navarra" ("Fondos Comunes para la cooperación entre la Comunidad Foral de Navarra y la Región de Aquitania", 2008-) ikerketa proiektuetan hartu du parte; ondorengo argitalpenak ditugu gai hauei loturiko ikerketen adibide:
- "Nuevos materiales para la historia de la hacienda de Navarra (1328-1330)". Huarte de San Juan. Geografía e Historia; 7. Iruña: UPNA, 2000, 151-162 orr.
- "Política monetaria en Navarra bajo el reinado de los primeros Evreux (1328-1349)". En la España medieval; 27. Madrid: Universidad Complutense de Madrid, 2004, 77-104 orr.
- "Estrategias fiscales en el reino de Navarra (1349-1387): El Estado perceptor". Iura vasconiae; 6. Donostia: Euskal Herriko Zuzenbide Historiko eta Autonomikoa Aztertzeko Fundazioa, 2009, 197-243 orr.
Era berean, bere doktorego tesia ere gai hauei loturikoa da: El dinero de los Evreux. Hacienda y fiscalidad en el Reino de Navarra (1328-1349). Iruña: Nafarroako Gobernua, 2008. Dokumentazioaren gaineko lanari dagokionez, Acta vectigalia regni Navarrae: documentos financieros para el estudio de la Hacienda Real de Navarra argitalpen dokumentaletan parte hartu izan du, zehazki, Felipe Ederra, Luis I, Felipe II eta Karlos I-ren erreinaldietako errege erregistroei dagozkienetan (7 liburukitan argitaratuak, 1297-1325 bitartea baitaratzen dute).
Fiskalitateari loturik, errekurtso naturalen eta industrializazioaren alorrak ere jorratu izan ditu, bereziki mehatzeei eta bertako produkzioari begira:
- "Minería cuproargentífera en el reino de Navarra (siglo XIV)". Príncipe de Viana; 66 (235). Iruña: Nafarroako Foru Erkidegoa, 2005, 405-428 orr.
- "La botiga del hierro. Fiscalidad y producción industrial en Navarra (1362-1404)". Anuario de estudios medievales; 38 (2). Bartzelona: Instituto de Historia Medieval de España, 2008, 533-584 orr.
- "Explotación minera en el Reino de Navarra: la mina de plata de Urrobi (s. XIV)" eta "Léxico de los recursos naturales: Navarra s. XI-XV" (E. RAMÍREZ VAQUERO, M. BEROIZ LAZCANO eta I. TORRANO ALONSOrekin batera). Non: Les ressources naturelles des pyrénées du moyen âge à l'époque moderne. Actes du Congrès International RESOPYR 1. Perpignan (Frantzia): Presses Universitaires de Perpignan, 2005; hurrenez hurren, 347-371 eta 455-542 orr.
Lan hauek "Recursos naturales y espacios de montaña. Léxico y prácticas relacionadas con los recursos naturales en las sociedades pirenaicas. Antigüedad-Edad Moderna" (Nafarroako Gobernua, 2004-2006) ikerketa proiektuari loturik burutu zituen.
Azkenik, bere interesa bideratu izan duten gaien artean, eta beti ere XIII-XV mende bitarteko Nafarroaren testuinguruan, gerrak eta hauek gizartean izan zituzten ondorioak ere aipatu beharrean gaude:
- "Navarra en una guerra europea. La estrategia capeta tras las Vísperas Sicilianas (1283-1296)" (P. TAMBURRIrekin batera). Príncipe de Viana; 61 (221). Iruña: Nafarroako Foru Erkidegoa, 2000, 657-671 orr.
- "Acciones bélicas en Navarra: la frontera de los malhechores (1321-1335)". Príncipe de Viana; 61 (219). Iruña: Nafarroako Foru Erkidegoa, 2000, 49-77 orr.
- "Las hermandades navarras en la primera mitad del siglo XV: hermandades de frontera y del reino". Non: Mito y realidad en la historia de Navarra. IV Congreso de Historia de Navarra. Iruña: SEHN, 1998; 421-428 orr.
- eta "Gastos sanitarios de Juana II y Felipe III de Evreux (1328-1330)" (M. OSÉS URRICELQUIrekin batera). Non: MIRANDA RUBIO, F. (koord.): Fuentes documentales para el estudio de la Guerra de la Independencia. Iruña: Ediciones Eunate, 2002; 107-118 orr.
Bere ikerketetako emaitzak, Euskal Herrian, Espainian nahiz Frantzian zeharreko kongresu eta seminarioetan azaldu izan ditu. "Sociedad Española de Estudios Medievales" (SEEM) eta "Sociedad de Estudios Históricos de Navarra" (SEHN) elkarteetako kidea da, eta azken honetako zuzendaritza batzordeko partaidea izan zen (Diruzain karguarekin), 1999-2003 bitartean.