1971n Pasaian jaiotako musikagilea.
Klarinete ikasketak bere jaioterrian hasi zituen, Donostiako Goi Mailako Musika Kontserbatorioan amaitzeko. Ondoren, Harmonia, Kontrapuntua, Konposizioa eta Instrumentazioa ikasi zituen Francisco Escuderorekin, eta Konposizio ikasketak jarraitu zituen Gotzon Aulestiarekin, ohorezko aipamenak lortuz. Gabriel Brncic, Adolfo Núñez eta Xabier Serrarekin, besteak beste, Musika Elektroakustikoko ikastaroak egin zituen. 1993an Gipuzkoako Foru Aldundiak beka eman zion Curtis Road-en Musika Informatikako Ikastaroan parte hartzeko, "Les Ateliers UPIC" (Massy, Frantzia), Iannis Xenakis, Michel Philipâel-pot, Tristan Murail, Jean-Claude Risâd, Bernard. 1995ean, "Pablo Sorozábal" III. Konposizio Lehiaketako akzesita irabazi zuen, Amets baten susmoak laukotearekin. Musika Informatikako hainbat ikastaro eman ditu, eta Euskal Herriko Unibertsitateko Udako Ikastaroetan kolaboratu du. Andoaingo Musika Eskolan irakasle izan zen eta gaur egun Donostiako Udalaren Musika eta Dantza Eskolako zuzendaria da. 2001etik "Francisco Arenal" ezizena erabiltzen du bere lan tonaletarako, zeinetan eredu argietan eta iraganean zeuden forma eta piezen birsorkuntzan oinarritzen den.
- CANO, Mª J.: Andoain, estreinekoz. El Diario Vasco, p. 87, 2006ko maiatzaren 5a
- ERESBIL: Dokumentu-saila, D1/MAT-03. Mikel Mate Ormazabalen curriculum vitae-a.