Espainiar militarra, 1936ko altxamenduari atxikia, Euskal Herriko gerra operazioetan parte hartu zuena gerra hartan. Uztailaren 23an Iruñetik 300 gizoneko indar baten gidaritzapean irten zen Oiartzungo frontera bidean, eta bertan Beorlegui koronelaren aginduetara jarri zen. Bere agindupean, Munuaundi eta Pikoketako muinoen okupazioan esku hartu zuen, Elaiza eta Zubeltzuri egindako eraso zapuztua, San Martzialeko gudua eta Irun hiria hartu zituen. Gipuzkoako gainerako lurraldeak okupatzeko operazioetan, lau zutabe partzialen baterako agintea izan zuen. Zutabe horiek probintziaren erdialdetik aurrera egin zuten ekialdetik mendebaldera, frontea finkatu arte, Debako lineak gainezka egin ondoren. Abenduan berrantolatu zenean, armada nazionalak "Nafarroako" I. Brigadaren agintea eman zion, 1937ko otsailean Garcia-Valiñok ordezkatu zuelarik. Gerra teniente koronel graduarekin hasi zuen, Gipuzkoako kanpainaren ondoren koronel mailara igo zutelarik.