Gipuzkoako Mikelete Taldeko burua, Gabirian (Gipuzkoa) 1842. urte inguruan jaioa. 1918an hil zen, hirurogeita bat urtez mikelete izan zelarik.
1858ko maiatzean, hamasei urte besterik ez zituela, Mikeleteen Kidegoan sartu zen. Ideia liberaletatik, 1870ean teniente izendatu zuten, operazio militarretan emandako zerbitzuengatik. 1872an kapitain izendatu zuten, eta bi urte geroago (1874) komandante izendatu zuten, Belabieta eta Hernialdeko ekintzetan egindako lanaren sari gisa. Irungo eta Endarlatsako ekintzetan teniente koronelaren gradua irabazi zuen (1875) eta, azkenik, Oriako lerroko operazioan izan zuen portaerak, koronel mailara igotzea balioko zion, 1876ko maiatzaren 15eko Errege Aginduz.
1874tik aurrera Gipuzkoako Mikeleteen Kidegoko buru izan zen. Urte askoan bere buruzagitzan egon ondoren, gaixotasunaren ondorioz dimititu egin zuen. Orduan, probintziako korporazioak Mikeleteen Kidegoko ohorezko komandante titulua eman zion, ordura arte zuen soldata berarekin. Erref. Ezcurdia, Luis: Foru-kidego armatuak. Los miqueletes, Zarautz, 1968, pp. 122-128.