Euskal marinela, Altzolan (Gipuzkoa) 1700ean jaioa. 1732ko urtarrilaren 7an hil zen, Veracruzeko portuan (Mexiko) gertatutako itsas istripu batean.
Itsas guardiako plaza bat jarri zuen Cadizen. 17 urte besterik ez zituenean (1717). Urte berean ontziratu zen San Luis itsasontzian, eta harekin Sardinia uhartea konkistatzeko egin ziren gerra operazioetan parte hartu zuen, 1718ko martxoan Cadizera itzuliz. Urte horretan bertan, Siziliaren konkista-kanpainan parte hartu zuen, eta Paszoro lurmuturreko uretan Ingalaterrako itsas armadarekin izandako borrokan parte hartu zuen (abuztuaren 11n). 1720an eta 1721ean Afrikara egindako itsas espedizio batean eta Ceutako kanpainan parte hartu zuen. Bi urtez Mediterraneoan zehar korritu zuen (1724 eta 1725), eta 1726an fragata-alferez izendatu zuten. Bi urte geroago (1728) ontziko alferez izendatu zuten, eta 1730ean fragatako teniente.
Erref. Riquer eta Zabecoa, C. "Marinel ospetsuak: Joakin Lizarauzu eta Mugartegi". Euskal Erria aldizkaria. or. 20-2l.