1724ko abuztuaren 28an Liman (Peru) jaiotako euskal gotzaina. Peruko erregeorde Francisco de Lezoren semea zen. Oso gaztea zela Pasaiara (Gipuzkoa) bidali zuten, aitaren aldeko aitona-amonen eta Blas de Lezo almirantearen etxera. Iruñean ikasi zuen apaiz karrera, eta handik Salamancako unibertsitatera joan zen. Apaiz ordenatua, Cardonako Kolegialeko abade eta Antequerako arcediano karguak bete zituen. 1780ko apirilaren 25ean Iruñeko gotzain izendatu zuten. Elizbarruti honen buru izan zen 1784. urtearen hasierara arte, urte horretan Zaragozako artxidiozesiaren buru jarri zelarik. Berari zor zaizkio Zaragozako Seminario Conciliar fundazioa, baita Erruki Etxea ere. Hiri honetan hil zen 1796ko otsailean. Espainiako erregeak Karlos III.aren gurutzea eman zion, euskal prelatuak onartu nahi izan ez zuena. Erref. Urrutia, E. de: Euskaldun ospetsuen galeria biografikoa, «Euskalerriaren Alde», 1921, n. 2, 11 or. 268-269; Perez Goyena: «Nafarroako Bibliografiaren Saiakera», Pamplona, t. IV, 1951, pp. 451-453.
Urbano ASARTA EPENZA.
Urbano ASARTA EPENZA.