1870eko irailaren 25ean Donostian jaiotako musikari gipuzkoarra. Kordoban (Argentina) hil zen, 1906ko irailaren 18an.
1893an, 23 urte zituela, Argentinara joan zen bizitzera. Buenos Airestik igaro ondoren, Rosario hirian finkatu zen, eta bertan musika irakasle aritu zen eta Espainiako Elkarteko eta Orfeoiko zuzendari izan zen. 1904an, Kordobara joan zen bizitzera emazte eta seme-alabekin, Gran Hotel Victorian piano-jole gisa lan egitera, eta gaur egungo modako musikaren interprete ospetsu bihurtu zen: tangoa. Hotel horretan beste konpositore batzuen obrak interpretatuko ditu, baita berak konposatutako tangoak ere, Gran Hotel Victoria kasu. Aretoko musikaz gain, musikagile gisa idatzitako Risas y lágrimas zarzuelak -1902an estreinatu zen La comedia antzokian -, Celeste edo Currita ere aipagarriak dira.
- ERESBIL: Dokumentu-saila, D1/LAT-08.