Gipuzkoako kultur nortasuna. Zumarragan (Gipuzkoa) jaio zen 1914ko irailaren 13an, eta bertan hil zen 2005eko ekainaren 19an.
Diktaduraren hirurogeiko hamarkadan La Academia Erranteren sustatzaile eta laguntzaile izan zen. Hauek dira argitaratutako liburuak: Sinfonía en Zumarraga (Zarautz, 1967); Historia de los Ipenarrieta y de sus casas palacios (Iruñea, 1978), Manuel Urcola Ansolarekin lankidetzan; Iparraguirre. Bere heriotzaren mendeurrenean, Xabier Mendigurenek euskarara itzuli zuen (Donostia, 1981); Urretxuko historia baterako saiakera (1983, bi liburuki); Don Nicolas de Soraluce y su tiempo (Zarautz, 1984); Legazpiarren oinetxea (Donostia, 1992) eta Zumarragako Andre Maria, Baselizen katedrala (1996).
Urretxuko urrezko domina jaso zuen eta Euskalerriaren Adiskideen Elkarteko kide izan zen.