Nortasun politiko gipuzkoarra, Irunen 1897an jaioa eta Madrilen 1952an hila. Errepublikano independente, Ortega y Gasset, Marañon eta Perez de Ayalak babestutako Errepublikaren Zerbitzurako Mugimenduari atxiki zitzaion. Irungo alkate (1932), 1933an, "Hemezortzien Batzordeko" kide izan zen, Euskal Alkateen Batzarrak plebiszitu estatutarioa kudeatzeko izendatua. Ingeniari industriala, Lore Bat olio fabrikako zuzendaria eta Gal lurrindegiko kontseilaria izan zen. Pilotari afizionatua, pilotaleku bat eraiki zuen Irungo Frantzia Etorbidearen inguruan.