Mendebaldeko mendiak. Mendilerro horrek, oro har, Gipuzkoako eta Bizkaiko uren banalerroa jarraitzen du. Kantauri isurialdean dagoen Aramaioko zatia izan ezik, Arabakoa baita. Gailur nagusiak hauek dira: Murugain (775 m.), Udalaitz (Udala, 1.092 m.), Intxorta (737 m.), Urko (791 m.); Max (767 m.) eta Arno (612 m.). Urumea, Leitzaran, Araxes, Oria, Urola, Deba eta ibaiadarretako goi-ibarretatik abiatzen diren adarrek haran ahokatuak eratzen dituzte. Mendiek altuera galtzen dute, baina kostalde berean 500 eta 400 metroko altuerak agertzen dira, hala nola Jaizkibel (549 m) eta Mendizorrotz (411 m). Azken horretatik mendebalderantz, altuerak nabarmen jaisten dira, 250 eta 150 metro artean mantenduz.