Historialaria, 1966an Salamancan jaioa.
1989an Salamancako Unibertsitatean Geografia eta Historian lizentziatua, 1990ean "Master of Arts in European Studies" titulua eskuratu zuen Lovainako Unibertsitatean (Belgika), eta 1992an berriz Historia Garaikideko doktoregoa, Boloniako Unibertsitatean, bertako Espainiako Kolegioan (Italia). 1997an Zuzenbidean lizentziatu zen, Madrileko Unibertsitate Autonomoan. Zuzenbidearen eta Instituzioen Historiaren irakaskuntzan jardun du eta dihardu, lehenik UNEDen (1994-1997), eta 1997az geroztik, EHUn. Bestalde, 1998. urtetik aurrera, ohiko laguntzaile eta parte-hartzailea da Salamancako Unibertsitateko Zuzenbidearen saileko Unibertsitateen Historiaren Alfonso IX Zentroan.
Beti ere Zuzenbidearen eta Instituzioen Historiaren alorrean, bere ikerketa gehienak Aro Berriari eta Garaikideari dagozkio, eta zenbaitetan, Erdi Aroko gaiak ere jorratu izan ditu. Batez ere EHUra heldu aurretiko garaian, baina baita ondorengo urteetan zehar ere, bere ikerketen ildo nagusietariko bat Salamancako eta bertako Unibertsitatearen historia sozial eta politikoarena izan zen. Besteren artean, ondorengo argitalpenek ematen digute ikerbide honen berri:
- "Evolución y regionalización de la matrícula salmantina entre 1769/70 y 1814/15. La Universidad de Salamanca a finales del Antiguo Régimen". Non: Primer Congreso de Historia de Salamanca. Salamanca: Diputación-Ayuntamiento-Universidad, 1992; 265-287 orr.
- "Los reformadores de la Universidad de Salamanca en la transición al liberalismo". Salamanca. Revista de estudios; 39. Salamanca: Diputación Provincial, 1997, 295-319 orr.
Luis Enrique RODRÍGUEZ-SAN PEDROk koordinaturiko Historia de la Universidad de Salamanca (Salamanca: Universidad de Salamanca, 2002-2006) lan kolektiborako ere egin zituen bi artikulu. 2005etik aurrera, "Historia de las Universidades Hispánicas" ikerketa taldean parte hartzeari ere ekin zion, gaiari ondorengo ikerketa proiektuetan helduz: "La Universidad de Salamanca en el contexto cultural de las universidades europeas e iberoamericanas (siglos XV-XIX): España, Portugal, Italia y México" (Ministerio Español de Educación y Ciencia / Fondo Europeo de desarrollo regional, 2006-2009), eta "Salamanca y las universidades hispánicas (siglos XV-XIX): España, Portugal, Italia y México" (Ministerio Español de Educación y Ciencia, 2010-2012).
Beste ikerketa ildo bat historiografia espainiar eta europarrarena du, Cristianesimo nella storia eta E-Legal history review lako aldizkarietan agerturiko Zuzenbidearen Historiari buruzko hainbat libururen aipamenez beste, ondorengo argitalpenetan gauzatzen dena:
- "Legis Regiae interpretatio. Alfonso de Azevedo y Manoel Barbosa. Comentaristas 'hispanos' del derecho recopilado de sus reinos". Non: Jornadas de História do Direito Hispânico. Homenagem ao académico de mérito Prof. Doutor José Manuel Pérez-Prendes. Lisboa: Academia Portuguesa da Historia, 2004; 149-188 orr.
- "Leges de Toro. Construcciones interpretativas e historiográficas". E-Legal History Review; 1. www.iustel.com: 2006ko urtarrila, 1-71 orr.
Historiografiaren ildo honi jarraiki, ikerketa proiektu honetan hartu zuen parte: "Juristas españoles en el tiempo del derecho común" (Ministerio Español de Educación y Ciencia, 1999-2001).
Zuzenbide Pribatu europarra ere izan du ikergai, ondorengo lanetan ageri lez: Costumbre y fiscalidad de la dote: las Leyes de Toro entre derecho común germánico y ius commune. Madrid: Facultad de Derecho de la Universidad Complutense de Madrid, 2004; eta "A.G. Posada, un constitucionalista ante el feminismo. Entre estado social y derecho privado". Non: J. ASTOLA MADARIAGA (koord.): Mujeres y derecho: pasado y presente. Leioa: EHUko Zuzenbide Fakultatea (Bizkaia), 2008ko azaroa.
EHUra helduaz geroztik Euskal Herriko Zuzenbidearen historia nahiz bere iturrien ikerketari ere ekin zion, halaber, ikerketa proiektuetan parte hartuz; 2007. urtetik aurrera, HISZUZEN Zuzenbidearen Historiaren ikerketa taldearen baitatik. Honakoak dira ikerketa proiektuok:
- "Fuentes para la Historia Social del País Vasco" (EHU, 1999-2000), "Fuentes jurídicas y económicas para la historia del pueblo vasco" (EHU, 2000-2002).
- "La monarquía española del Antiguo Régimen y sus integrantes: formas de pertenencia y vinculación jurídico-política en los casos de Navarra, Aragón y Vizcaya" (Ministerio Español de Educación y Ciencia, 2005-2008).
Ildo honi loturik garai honetan eginiko argitalpenak:
- El juzgado de imprentas y la utilidad pública: cuerpo y alma de una "monarquía vicarial". Bilbo: EHU/UPV, 2002.
- "Informe de la Junta de Reforma de Abusos de Real Hacienda de la Provincias Vascongadas (1819-1839). Edición crítica y estudio". E-Legal History Review; 5. www.iustel.com, 2008ko urtarrila, 1-51 orr.
- "El Fuero de Vizcaya en la doctrina y la práctica judicial castellanas del tiempo del ius commune". Non: Vizcaya en la monarquía hispánica: un "ius proprium" en una monarquia plural. EHUn (Zuzenbide Fakultatea, Gipuzkoa) eginiko kongresua, 2008ko abenduaren 22an (argitaratzear).
Azkenik, aipagarri dira Enciclopedia Multimedia Universal Micronet-erako Erdi Aroko, Aro Berriko nahiz Aro Garaikideko ordenantza, foru, konstituzio eta gertakizun historiko ezberdinen inguruan idatzi dituen boz ugariak ere. Halaber, ugariak dira ikertu izan dituen gaien inguruan nazio nahiz nazioarte mailako kongresuetan eman dituen ponentzia eta komunikazioak.
2002. urtetik Interpretatio. Revista de Historia del Derecho aldizkariko talde zientifikoko partaidea da. Horrez gain, 2009ko uztailaz geroztik, Iura Vasconiae aldizkariko erredakzio kontseiluko partaidea ere bada.