Musikaria eta konpositorea. Eibarren (Gipuzkoa) jaio zen, 1743ko martxoaren 17an, baina oraindik ez dakite noiz hil zen.
1759ko martxoaren 26an frantziskotarren abitua hartu zuen Arantzazun eta 1760an profesatu zen. Arantzazuko Santutegiko Musika Artxiboan haren musika-konposizioak daude: Salbea, O Gloria, lehen eguneko 3. Erosta, 3 meza eta Parce mihi Domine bat. Honela dio Aita Donostiak Musika eta musikariak Euskal Herrian lanean:
"Organista hauen konposizioak klaberako edo organorako idatzita daude garaiko estilo arinean eta ez liturgi gaietan oinarritutako tradiziozko eliz estiloan".
Fr. Jose de Arruek, "La música de iglesia en La historia del País Vasco" lanean, musikari eibartar honen lau ahotsetarako Motete bat erregistratzen du eta Arantzazuko musika artxiboan bere beste lan batzuk ere badirela aipatzen du.
Aita Donostiak, Música de tecla en el País Vasco lanean, XVIII. mendean, bere Concierto airoso lanaren partitura osoa erreproduzitzen du.