ETXABE I. Urumeako plantillako erremontista, Iruñeko Euskal-Jai-n ere jokatu duen arren, Zumaian (Gipuzkoa) jaio zen, 1925eko azaroaren 28an. Pilotari asko eta onak eman dituen familia batekoa da, eta 1945eko martxoaren 9an egin zuen debuta profesional gisa, Urumea pilotalekuan. Gibeleko gaitz batek kantxetatik aldendu zuen hiru urtez. Erabat sendatuta, berriro ekin zion lanari, eta laster jarri zen Donostiako pilotalekuko plantillako lehen izarren artean. Altuera handiko jokalaria da, atzelari gisa jokatzen du, jokaldi beldurgarria du eta sakatzaile aparta da, joko-zainetan dagoenean eutsi ezinekoa. Aitzitik, mugikortasuna falta zaio, eta oso irregularra da bere jardueretan. Carmelo sasoian dagoenean, ikuskizuna da besoa askatzen ikustea. Erref. Fronton" aldizkaria.