Itsas museo eta akuarioa, Biarritzeko Rocher de la Vierge pareko Atalaia lautadako itsaslabarrean kokatzen da.
Musee de Mer izeneko eraikin hau Art Déco estilokoa da eta 1933 urtean Hiriart, Lafaye eta Lacoureyre arkitektoek diseinatu zuten. 1952 eta 2011 urtetan zabalpen esanguratsuak izan zituen, bere azalera bikoiztera iritsi arte. Munduko ozeanoetan zehar ibilbideak, erakusketak eta jarduera interaktiboak eskaintzen ditu.