Pianista gipuzkoarra, Irunen 1962an jaioa. Bere jaioterrian hasi zen musika ikasten; Donostiako Goi Mailako Musika Kontserbatorioan pianoa jotzen ikasi zuen eta Maria Teresa Garcia Piudo eta Maria Jesus Fagoagaren ikaslea izan zen. Ricardo Requejo eta Enma Jiménez de Achúcarro maisuekin piano-ikasketak zabaldu zituen. Madrilgo Goi Mailako Errege Kontserbatorioan goi mailako ikasketak amaitu zituen Angeles Renteriarekin.
Nazioarteko hainbat ikastarotan parte hartzen du, hala nola "Juan de Antxieta", "Música en Compostela" edo "Ciudad de Santander". Ikastaro horietan, besteak beste, Joaquín Achúcarro, Manuel Carra eta Hans Graf maisuei buruzko eskolak jasotzen ditu. Frantzian jo du, Donostia Ganbera Orkestrako bakarlari gisa, eta Euskadiko Orkestra Sinfonikoarekin ere kolaboratzen du, euskal konpositoreen diskoak grabatu baititu harekin. 1990-1992 bitartean Donostiako Orfeoiaren Kantu Eskolan aritu zen, errezitaldi zein operetan. 1991n "Mozart Urtean" parte hartu zuen Donostiako Musika Kulturaren Elkartearekin. Piano irakaslea Iruñeko "Pablo Sarasate" Goi Mailako Musika Kontserbatorioan. María José de Bustos Yuste piano-jotzailearekin batera, BdB bikoteko kidea da.