1934an Donostiako Altza auzoko Ubegi baserrian (Gipuzkoa) jaiotako euskarazko idazlea.
Zurgin gisa bizimodua atera zuen, istripu batek pentsiodun bihurtu zuen arte. Txikitatik bertsozaletu zen, amaren aldeko aitonak ahapaldi asko zekizkielako eta kantatzen zituelako. Aitak ere bertso asko zekizkien, eta, gainera, gai zen inprobisatzeko, nahiz eta jendaurrean apenas egiten zuen.
Afrikan soldadutza egin zuenean hasi zen Jose bertsoak idazten. Baina gero utzi egin zuen, harik eta 1967an istripu bat izan eta bajan egon zen denbora modalitate literario hori praktikatzen eman zuen arte. 1968an, Jose Miguel Maiz atletak Lasarteko krosa irabazi zuenean, bertso batzuk idatzi zituen, gero Basarrira bidali eta honek egunkariko bere sailean argitaratu zituenak. Hura pizgarri handia izan zen Joserentzat. Gero, 70eko eta 80ko hamarkadetan, prosazko artikuluak argitaratu zituen El Diario Vasco egunkarian, Antonio Zavala bertsozaleak erakutsitako interesari esker. 1994an Donostiako Bertsolari Egunean (Bertsolari Eguna) omendu zuten, beste hainbat bertso idatziren egileekin batera. 1997an, prosazko artikuluen bilduma bat eta bertso idatzien zenbait bilduma argitaratu zitzaizkion: Alako batean (Sendoa, Auspoa bilduma).