1892an Azpeitian jaio eta 1948an Zumarragan hil zen idazle gipuzkoarra.
Artikulugile atsegina izan zen La Gaceta del Norte, La Constancia, El Pueblo Vasco eta El Día egunkarietan. Medikua zen; haurtzaintzari buruzko euskarazko bulgarizazioak Donostiako Argia astekarian ikus daitezke, baita artikulu kostunbristak ere Bilboko Euzkadin. Aldizkari profesionaletan maiz kolaboratu zuen. Gazteleraz eta euskaraz ere hitzaldi ugari eman zituen. Euskal-Esnalean euskaraz egin zituen hitzaldiak "Itzaldiak" aldizkarian argitaratu ziren, Gure gaitzak (1923) eta Sendakintza gizaldiyetan zear (1928) izenburupean. Amentzako aholkuak liburua. El arte de criar a los niños liburua Zarauzko Euskal Argitaletxeak argitaratu zuen 1928an, eta Itxaropena argitaletxeak berrargitaratu zuen 1948an.