1959an Irunen jaiotako mezzosoprano gipuzkoarra.
Iruñeko "Pablo Sarasate" Kontserbatorioan egin zituen Kantu eta Piano ikasketak, Irakasle ikasketekin uztartuz. Edurne Aguerriren zuzendaritzapean Goi Mailako Kantu Titulua lortu ondoren, Madrilgo Goi Mailako Kantu Eskolan sartu zen, eta hainbat ikastaro egin zituen Alfredo Kraus, Montserrat Caballé eta Felix Lavillarekin. Ondoren, Parisera joan zen, eta Paul Schilhawsky eta Gerard Souzayrekin lan egin zuen. Kantuaren pedagogia landu du Ileana Cotrubas sopranoarekin.
Carmen Arbizuk kantari ibilbidearekin eta irakaskuntzarekin uztartzen du. Madrilgo Arte Ederren Zirkuluan, Bartzelonako Grec Jaialdietan, Valentziako Auditorioan, Oviedoko Aurrezki Kutxan, Iruñeko Gayarre Antzokian, Kantabriako Jaialdietan, Nizan, Donibane Lohizunen eta beste hainbat tokitan eskaini ditu errezitaldiak. Oratorioen interprete gisa, Gironan, Seo de Urgellen, Lleidan eta Iruñean abestu du, baita tonadilla barrokoak eta zarzuelak ere. Errepertorio garaikidean oso interesatua, PPasque Aldave, Vázquez del Fresno, Castro eta Iruñako taldearen lanak estreinatu ditu.
Bere errezitaldirik esanguratsuenen artean, Fernando Remacharen ahots eta pianorako abestien integrala interpretatu zuen Musikasten (Errenteria, Gipuzkoa) eta Rodrigo, Garbizu, Bautista eta Duo Vital konpositoreen mendeurrenetan parte hartu zuen.
1990ean, oposizio bidez, Bilboko eta Oviedoko Goi Mailako Kontserbatorioetako kantu katedrak lortu zituen. Ondoren, oposizio bidez, Iruñeko Pablo Sarasate Goi Mailako Kontserbatoriokoa irabazi zuen. Zentro horretan lan egiten du 1992az geroztik, eta errezitaldiak eta opera-tailerrak antolatu izan ditu erregulartasunez, besteak beste, Mozarten "Bastián y Bastiana" eta Brittenen "El diluvio de Noé" obrak antzeztuz. Bere ikasleetako batzuk Kantu Sari Nazionalak eta nazioartekoak jaso dituzte.
Halaber, Oviedoko Unibertsitatean, Zaragozako Kontserbatorioan, Nafarroako Abesbatzen Federazioan, Iruñeko Orfeoian, Iruñeko Ganbera Abesbatzan, Easo Abesbatzan eta Donostiako Orfeoian Ahots Teknika eta Interpretazioko eskolak ematera gonbidatu dute.
1992 eta 1996 artean Nafar Ateneoko musika bokala izan zen.
2005. urtetik Nafarroako Goi Mailako Musika Kontserbatorioko zuzendaria da. Arte Irakaskuntzen Kontseilu Goreneko batzorde iraunkorreko kidea da.