Beasainen jaio zen 1846ko martxoaren 9an. Jaioterrian hil zen, 1921eko ekainaren 5ean.
Beasaingo alkatea 1876-1878an eta 1899 eta 1902 artean. Bere lehen agintaldian, lehen ur biltegia eraiki zuen, hiribildura urak ekarriz, eta bi frontoi eraiki zituen, bata eskuetarako eta bestea erreboterako, puntarako eta erremonterako. XIX. mendearen amaieran, tinta-fabrika sortu zuen, eta haren zuzendaritza teknikorako Emile Hunolt frantziarra kontratatu zuen. 1903an, Estefania Arana alabarekin ezkondu zen, eta senarra enpresari lotuta geratu zen, jabe gisa; gaur egun, oraindik, Hunolt izena du.
Aranak zerrategi mekaniko bat ere sortu zuen, eta, ondoren, pago egurretik alkohola egiteko fabrika bihurtu zuen, "Quimica forestales, S.A." (QUIFOSA) izenekoa.