(1877-1919). Eibarren jaioa, Gipuzkoan.
Lider sozialista, formazio autodidaktakoa, sozialismoaren hastapenetan Eibarko herri-euskaran hizlari proselitista gisa nabarmendu zena. Pablo Iglesiasekin harreman zuzenak izan zituen, eta Madinabeitia doktorearen eta Tomas Meaberen lagun mina izan zen. Hamabi urtez izan zen Eibarko Udaleko zinegotzi, herriak hala erabakita. Mandatari gisa, Arrateko errepidearen eraikuntzan aktiboki parte hartzea egokitu zitzaion, 1913an, armagintzaren krisiak eragindako langileen langabezia arintzeko hasitako lana. Esaten denez, ongi administratzeko, pertsonarik zintzoena aukeratu behar zen, eta lapurra bezala zaindu.
Eibarko buruzagi sozialista 1919an hil zen erbestean (Frantzia) hartutako gaixotasunaren ondorioz, 1917ko greba iraultzailean egindako lanak bultzatuta.
2002an argitaratu zuen Antxon Narbaiza Azkuek bere biografia, Akilino Amuategi (1877-1919) izenburupean. Hasierako mitillari sozialista euskalduna.