Unibertsitateak

Euskal Herriko Unibertsitatea

Euskal Herriko Unibertsitatea Euskal Herriak bere unibertsitatea izateko historian zehar egindako saioen emaitza da, gizarte dinamiko eta moderno baten premia ugariei erantzuna emateko ahaleginen fruitua.

1980an gaurko izaera bereganatu zuen, Bilboko Unibertsitate zaharrean oinarritu eta 1936ko Euskal Unibertsitatean inspirazioa hartuta.

Eduardo Chillidak egindako ikurra hartu zuen, eta Iparragirreren bertso-lerro ezaguna erantsi: "Eman eta zabal zazu, euskal kulturaren bokazio unibertsalaren ispilu". UPV/EHU indarrez betetako errealitatea da. 50.000 kide baino gehiagok osatua, Euskadin egiten den ikerketaren %70 burutzen du, eta milioi laurden bat titulatu sortu ditu jakintzaren arlo ezberdinetan.

31 fakultate eta eskolaz osaturiko hiru campusetan banatuta dago. EHUk ekarpen erabakigarria egiten dio Euskal Herriari.

Arabako campusa Vitoria-Gasteizen kokatzen da eta honako Fakultate eta Eskolek osatzen dute:

  1. Farmazia Fakultatea
  2. Letren
  3. Gasteizko Enpresa Ikasketen Unibertsitate Eskola
  4. Gasteizko Gizarte Langintzako Unibertsitate Eskola
  5. Gasteizko Ingeniaritzako Unibertsitate Eskola
  6. Gasteizko Irakasleen Unibertsitate Eskola
  7. Jarduera Fisikoaren eta Kirolaren Zientzien Fakultatea
  8. Arabako Esperientzia Gelak.
  9. Medikuntza Ikasgunea.

Bizkaiko campusa Bilbon kokatzen da eta honako Fakultate eta Eskolek osatzen dute:

  1. Arte Ederren
  2. Ekonomia eta Enpresa Zientzien Fakultatea
  3. Bilboko Enpresa Ikasketen Unibertsitate
  4. Leioako Erizaintzako Unibertsitate Eskola
  5. Gizarte eta Komunikazio Zientzien Fakultatea
  6. Bilboko Ingeniaritza Goi Eskola Teknikoa
  7. Bilboko Industria Ingeniaritza Teknikoko Unibertsitate Eskola
  8. Lan Harremanen Unibertsitate Eskola
  9. Bilboko Irakasleen Unibertsitate Eskola
  10. Meatzeen eta Herri Lanen Ingeniaritza Teknikoko Unibertsitate Eskola
  11. Medikuntza eta Odontologia Fakultatea
  12. Nautika eta Itsasontzi-makineria Goi Eskola Teknikoa
  13. Zientzia eta Teknologia Fakultatea
  14. Bizkaiko Esperientzia Gelak
  15. Zuzenbide Fakultatea - Bizkaiko Ordezkaritza.

Gipuzkoako campusa Donostian kokatzen da, nahiz eta Eibarren ere aurki dezakegun Industria Ingenieritza Eskola. Honako Fakultate eta Eskolek osatzen dute campus hau:

  1. Arkitekturako Goi Eskola Teknikoa
  2. Donostiako Enpresa Ikasketen Unibertsitate Eskola
  3. Donostiako Erizaintzako Unibertsitate Eskola
  4. Donostiako Unibertsitate Eskola Politeknikoa
  5. Filosofia eta Hezkuntza Zientzien Fakultatea
  6. Eibarko Industria Ingeniaritza Teknikoko Unibertsitate Eskola
  7. Informatika Fakultatea
  8. Kimika Zientzien Fakultatea
  9. Donostiako Irakasleen Unibertsitate Eskola
  10. Psikologia Fakultatea
  11. Zuzenbide Fakultatea
  12. Donostiako Medikuntza Fakultateko Irakasgunea
  13. Gipuzkoako Esperientzia Gelak

Atxikitutako ikastegiak Gasteizko Erizaintza Unibertsitate Eskola eta Bilboko Merkataritza Ganberako Unibertsitate Eskolak dira.

Graduetaz gain, beste ikasketa batzuk ere burutu daitezke. Hala nola, Master Ofizialak, Doktoregoak, Doktorego-Tesiak eta beste zenbait Graduondoko.

Campus Birtuala unibertsitateko metodo edo prozedura telematiko bidezko irakaskuntza garatu eta kudeatzeko ardura duen UPV/EHUren zerbitzu bat da. Kasu gehienetan, irakaskuntza eta ikaskuntzak Informazio eta Komunikazio Teknologien bidez (hots, IKTen bidez) eta bereziki internet bidez hedatzen dira.

Baliabide telematikoen erabilera-mailaren arabera, telematika bidezko irakaskuntza nahiz ikaskuntza-eredu desberdinak aurkezten ditu. Horrela bada, campus birtualean bi eratako saioak bereiz daitezke: ikasgelako saioak (egotea beharrezkoa da) eta ikasgelarik gabeko edo erabat birtualak diren saioak.

Campus Birtualean, prozedura telematiko bidezko irakaskuntza eskaintza instituzional osoa bilduko da, eta campus hau, UPV/EHUn prozedura telematiko bidezko ikaskuntza garapena bultzatzeko erreferentea izango da. Beraz, prozedura telematiko bidezko ikaskuntzarekin lotutako irakaskuntza-lana, eta erakundeen onarpenean arreta berezia jarriko da.

Campus birtualaren zereginak honako hauek direla esan daiteke:

  1. Prozedura telematiko bidezko ikaskuntza-irakaskuntza inguruko aholkularitza.
  2. Irakasleen prestakuntza, prozedura telematiko bidezko ikaskuntza-irakaskuntzaren alorrean.
  3. Prozedura telematiko bidezko ikaskuntza-irakaskuntzaren inguruko ekimenen ebaluazioa.
  4. Prozedura telematiko bidezko ikaskuntza-irakaskuntzaren alorrean aplikatzeko ikerketa eta garapena.

Campus Birtualaren esparru akademikoan, Graduko ikasketa ofizialak, Graduondoko ikasketa ofizialak (master titulua eskuratzera bideratutakoak eta baita doktore titulua eskuratzera bideratutakoak), Berezko titulua eskuratzera bideratutako ikasketak, Etengabeko prestakuntzarako EHUk antolatutako ikasketak eta Unean erabakitako beste zenbait ikasketak biltzen dira.

Campus Birtualeko Baliabide Zentroa, aholkularitza eta hezkuntza ekimen berritzaileei laguntza zerbitzuak eskaintzen dizkien laborategi esperimental bat da. Ekimen hauek IKTko tresna eta zerbitzuen erabileran oinarrituko dira. Burututako lana erraztu nahian honako puntuak dira aipagarriak:

  1. Irakaskuntza eta ikaskuntza metodologiei buruzko aholkularitza eta prestakuntza.
  2. Erabiltzaileen profilei tresnen eta baliabide egokien aukeraketan orientazioa.
  3. Laguntza baliabideen, tutoretzen eta ikastaroen gomendioa.
  4. Izaera berritzaileagatik nabarmentzen diren proiektuen eraketari laguntza puntuala, edukien eraketa eta egokitzapen prozesuan, zerbitzuen konfigurazio nahiz pertsonalizazio prozesuan, etab.

Bestalde, Campus Birtualak baliabide eta joeren berrikuspen eta sailkapen sistematikoa egiten du, beste zerbitzu osagarri batzuez gain, informazio gaurkotua eskeintzen duelarik.

Campus Birtualak informazioaren eta komunikazioaren teknologien bitartez, unibertsitate campusaren zerbitzu eta funtzioak zabaltzen ditu. Unibertsitateko kide guztiei eskainitako zerbitzuak etengabe garatzen ari da, aplikazio ezberdinen diseinuan parte hartzen du, ikasketa, irakaskuntza, ikerketa eta irakaskuntza kudeaketari laguntza eraginkorra eman nahian.

Berrikuntzarekin eta Campus Birtualak ematen dituen zerbitzuen hobekuntzarekin konpromisoa mantentzeko, IKTak hezkuntzan aplikatzeko aukera berriak ikertzen jarraitu behar du. Erabiltzailean oinarritzen diren aplikazioak garatu, pertsonalizatu, sare sozialen kudeaketak eta Web aplikazioak txertatu, hauek dira Campus Birtualak egiten ahalegindu beharrekoak besteak beste.