Euskarazko idazlea, Azkoitian (Gipuzkoa) jaio zen 1975eko urtarrilaren 29an.
Arte Ederrak ikasi zituen Euskal Herriko Unibertsitatean, ondoren AEK organismoan euskara klaseak ematen eta tabernetan lan egiten aritu zen. Eusko Jaurlaritzaren Urruzuno Saria eskola-umeentzat irabazi ostean, Lubaki Banda literatur taldeko kide izan zen. Ia hasieratik Susa argitaletxeari lotuta egon da, eta zenbait liburu-azal egin ditu argitaletxe horretarako. 2001. urtean Lisboa min (Edit. Susa, Amukoak bilduma, olerki eta marrazki bilduma). Urtebete geroago, Van Gogh margolariaren biografia bat argitaratu zuen, gazteentzako bilduma batean: Van Gogh, bihotzean eguzkia (Txalaparta) 2002an, Julene Azpeitia ipuin-saria irabazi zuen, Zumaiako Udalak eratua, Horoskopoa narrazioari esker. Horoskopoak aldizkari bateko horoskopoa erabiltzen du nagusiaz mendeku hartzeko. Egilearen arabera, "botereari buruzko gogoeta da". Epaimahaiak piezan zeuden umorea eta ironia nabarmendu zituen.