Zinema-zuzendaria. Donostian jaio zen, 1935eko ekainaren 13an.
40 film baino gehiago egin ditu, film labur eta luzeen artean. 1956an Madrilgo Ikerketa eta Esperientzia Zinematografikoen Institutuan sartu zen. Zuzendari lanetan Eugenio Martinen laguntzaile gisa hasi zen Despedida de soltero (1958) filmean, eta 1960an zuzendu zuen bere lehen film laburra. 1967tik aurrera, Javier Aguirrek berak "Anti-Cine" izendatu zuen garai esperimental bat hasi zen, aldi berean zinema komertziala eta telebista errealizatuz.