Euskadiko Kontsumo Kooperatiben Federazioa, EKKF, 1987an sortu zen, helburu jakin batzuk betetzeko asmoz. Besteen artean, kontsumo kooperatiben sektorea instituzioen aurrean ordezkatzea; kooperatiba-mugimenduaren printzipioen zabalpena sustatzea; kideen interesekoak diren zerbitzuak antolatzea; eta elkar lankidetza sustatu eta Kooperatiben, haren bazkideen eta oro har, kontsumitzaile eta erabiltzaileen interesak defenditzen lagunduko duten ekintzak bultzatzea bilatzen du.
Federazioa 11.530 langile zituzten Euskadiko 9 kooperatibek osatzen zuten 2011n eta langileen artetik 9.137 ziren bazkideak.
Bere helburuak lortzeko hainbat zerbitzu eskaintzen ditu EKKFk. Besteen artean:
- Kontsumo Kooperatiben ordezkaritza instituzionala.
- Prestakuntza teknikoa eta kooperatiba-arloko prestakuntza.
- Kontsultak jaso eta banan-banako aholkularitza.
- Legegintza arloko azterketak.
- Kooperatiba Kudeaketa Gidaren argitalpena.
- Etengabeko informazioa zirkularren bitartez.
- Estatutu Sozialen eta Barne-erregimeneko Araudien prestakuntza.
- Diru-laguntzen eta laguntza-programen inguruko informazioa.
- Federazioaren bulegoak Kooperatiba bakoitzaren jardueretarako erabiltzeko aukera.
Euskadiko Kontsumo Kooperatiben Federazioa bi organotan dago egituratuta. Alde batetik, Kontseilu Errektorea, eta bestetik, Zaintza Batzordea