Idazle hau Lerinen (Nafarroa) jaio zen 1955ean, baina haurtzarotik Iruñean bizi da.
Eraikuntzan peoi, garabi muntatzaile eta, batez ere, Ubarmin klinikako zeladore gisa lan egin ondoren, 30 urterekin hasi zen euskaraz ikasten. 1990az geroztik euskara teknikaria da Burlatako Udalean.
Desioen hiria narratiba-liburua argitaratu du (Pamiela, 1998), bi narrazio luze independente dituena. Lehenengoan, Rakel Beaumont izenekoan, gizon jaio eta emakume izan nahi duen pertsona baten istorioa kontatzen da. Hasieran erromantikoa da, baina gero intrigazko kontakizun bihurtzen da. Bigarren narrazioan, Apopiloetxean, Luis Korta izeneko gizon bat azaldu da, existitzen ez den emakume batez maiteminduta dagoena. Bi kontakizunek gauza bat nahi dute pertsonaia nagusiek, eta gertaerak espazio eta denbora zehaztugabe batean gertatzen dira. Euskaraz zuzen eta eraginkortasunez idatzita daude.