Izurriteak eta Debako hiribilduak oso lotura estua daukate XVI. mendeaz geroztik. Garai hartan, hiria harresiz inguratua zegoen eta ateak ixtea erabaki zuen merkatari eta erromesei sarrera debekatuz. Horiek, bertatik igarotzen zirenean Artzabal auzora bideratzen ziren. Inguru hartako biztanleen artean izua zabaldu zen, ikaratuta gaixotasunak izan zitekeen eragina zela eta. Hainbat familiak San Rokeren irudia urtero prozesioan ateratzeko agindua egin zuten euren burua babes zezan.